महेन्द्रपुलबाट दमकल सारिए सहिद भिमसेन दाहाल
पाेखरा | बैशाख ६, २०८०
पाेखरा: जनआन्दोलन ०६२/६३ का प्रथम सहिद भिमसेन दाहालको शालिक यतिबेला नयाँबजारको शान्तिवनस्थित दमकल परिसरमा पुगेको छ ।
महेन्द्रपुलमा शालिक राखिएको स्थानमा झण्डा पार्क बन्ने भएपछि उनको शालिकलाई त्यहाँ सारिएको हो । दाहाल ०६२ चैत २६ गते महेन्द्रपुलमा सेनाको गोलीबाट मारिएका थिए ।
दाहालको शालिक केही समय दमकल परिसरमा राखिने र वडा १८ मा रहेकोे सहिद स्मारक पार्कमा स्थापना गरिने पोखरा महानगरपालिकाले जनाएको छ ।
‘शालिक सुरक्षित होस् भनेर त्यहाँ (दमकलमा) राखिएको हो’ महानगरका प्रवक्ता मोतिलाल तिम्सिनाले भने ‘एक महिनाभित्र सहिद स्मारक पार्कमा राख्नेछौं ।’
पार्कमा शालिक राख्न दाहालका परिवारजनसँग सहमति लिइसकेको र काम प्रक्रियामा गइसकेको तिम्सिनाले जानकारी दिए ।
पृथ्वी नागरिक समाज, पोखराको सक्रियतामा शालिक निर्माण गरिएको हो ।
२०६२ चैत २६ मा पोखरा महेन्द्रपुलमा भीमसेन दाहाल सेनाको गोलीबाट मारिएका थिए।
काठमाडौं: आगामी फागुन २१ गते हुने प्रतिनिधिसभा सदस्यको निर्वाचनका लागि मनोनयन पत्र दर्ता गरेका उम्मेदवारमाथि परेका उजुरी जाँचबुझ गर्दा कैलाली क्षेत्र नं १ बाट मनोनयन पत्र दर्ता गर्नुभएका रेशमलाल चौधरीको उम्मेदव...
काठमाडौं: नेपाली कांग्रेसको सभापतिमा निर्वाचित भएपछि गगनकुमार थापाले शुक्रबार पार्टी केन्द्रीय कार्यालय सानेपा पहिलो पटक बैठक राख्दैछन् । गत पुस २७ देखि माघ २ गतेसम्म भएको दोस्रो विशेष महाधिवेशनबाट...
म्याग्दी: बेनी नगरपालिका–७ का समिर खान र यास्मिन बेगमले एक दशकको प्रतीक्षापछि आमाको नामबाट नागरिकता प्राप्त गर्नुभएको छ । जिल्ला प्रशासन कार्यालयले मङ्गलबार समिर र यास्मिनलाई आमा मनिरजा बेगमका ...
